Us Raat

Zindagi guzaar lenge hum
tere pyaar ke sahare
ye jism ye rooh
sab naam hain tumhare
Ek meetha sa wakaya yaad aata hai
chandni raat sadak ke kinare
aadhi raat beeti,jaage hue the hum
mere haathon mein haath the tumhare
Sir kaandhe pe rakh kar tere
soyi hui si teri baahon ke sahaare...
Achanak ek mod pe tera dheere se kehna
dabi hui saanso ka haule se machalna
Khamosh raat aur dilon main hulchul

socha kai baar...kya dekhoon?
tumhe ya baahar ke nazaare...
Woh ajeeb sa deewanapan tha
ya bekhudi ka sama...
teri baahon mein aake jaanam
jaane kahan hosh the humare.